လှလှပပ တန်ဆာဆင်ရအောင်

ခဏ္ဍဖုလ္လပဋိသင်္ခရဏံ

ကျိုးသည်ပျက်သည်တို့ကို ပြုပြင်ခြင်း၊ ရှုပ်ထွေးသည့်အမှိုက်များရှင်းလင်းခြင်းကို မြတ်စွာဗုဒ္ဓ ချီးမွမ်းတော်မူသည်။

နှစ်ဧကခွဲ ကျယ်ဝန်းသော သီတဂူသံဃ၀ိဟာရ ကျောင်းပရိဝုဏ်အတွင်း ပေါက်ရောက်လျှက်ရှိသော သစ်ပင်ခြုံနွယ်များကိုရှင်းလင်း၍ ကလေးကစားကွင်းနှင့် လူကြီးပရိသတ်များအတွက် နားနေဆောင်တို့ကို ပြုလုပ်သွားမည်။ ပတ်ဝန်းကျင်အနှောက်အယှက်မဖြစ်စေရန် အတွက် ခြံစည်းရိုးပင်များစိုက်သွားမည်၊ သီးပင်စားပင်များ၊ အလှပန်းပင်များ စနစ်တကျ စိုက်ပျိုးသွားမည်။ မြက်ရိုင်းများကို ထုတ်နှုတ်၍ အလှမြက်များအစားထိုး စိုက်သွားမည်ဖြစ်သည်။

မြက်များရိတ်ဖြတ်ရန်အတွက် $ 3000/- တန်မြက်ရိတ်ကားတစ်စီးကို ၀ယ်ယူထားပါသည်။ အဆိုပါ မြက်ရိတ်ကားအတွက်

၁။ ကိုဂျိမ်းလင်းထွန်း+မ၀င်းစန္ဒာစန်းမိသားစုက $ 400/-

၂။ ဦးအောင်စိုးလွင်+ဒေါ်လှဝင်းစိန် မိသားစုက $ 400/-

၃။ ကိုဇင်ဦး+မလင်ဒါ မိသားစုက $ 1200/- (အမေရိကန်လူမျိုး Russell Jones ခေါ် ကိုဇင်ဦးက Weed Eater မြက်ရိတ်စက်တစ်ခုနှင့် အလှူငွေ $ 1200/- ဖြည့်စွက်လှူဒါန်းပြီး မြက်ရိတ်ကားကို ကိုယ်တိုင်ဝယ် ကိုယ်တိုင်ရိတ်၍ ကုသိုလ်ယူခဲ့သည်။ မြက်များရှည်တိုင်း ကုသိုလ်ယူရိတ်သိမ်းပေးမည်ဟု ဆိုပါသည်။)

၎။ ကျောင်းရံပုံငွေမှ $ 1000/- စိုက်သုံး၍ ၀ယ်ယူထားပါသည်။

အထက်ပါလုပ်ငန်းရပ်များနှင့်ပတ်သက်၍ ဒါနအမှုပြုချင်သူမည်သူမဆို အလှူတော်ငွေကိုသော်လည်းကောင်း၊ လုပ်အားဒါနကိုသော်လည်းကောင်း၊ မိမိတို့အိမ်ရှိ ထူးခြားသည့် သီးပင်စားပင် ပန်းပင်တို့ကိုသော်လည်းကောင်း လှူဒါန်းနိုင်ပါကြောင်း အသိပေးနှိုးဆော် အပ်ပါသည်။

ကပ္ပိယကာရကအဖွဲ့

သီတဂူသံဃ၀ိဟာရ၊ ဖလော်ရီဒါ